Milo Marathon dadako sa Tuguegarao

Mula sa Visayas region dadako naman sa Tuguegarao ang Milo Marathon regional qualifying race sa Linggo, Hulyo 6.

Tanyag sa kanilang pamosong Callao Cave, ang Cagayan region ay umaasa ding makakapagbigay ng susunod na Milo marathon champion kung saan may 3,000 runners ang tatakbo sa naturang elimination race.

Eksaktong alas-6 ng umaga magsisimula ang karera sa loob ng Caga-yan Sports Complex na ang top 3 finishers sa babae’t lalaki ay kaka-tawan sa kanilang rehiyon sa National Finals sa Oktubre 19 sa Quirino Grandstand sa Luneta Park.

At hindi pa man nata-tapos ang Cagayan race, inihahanda na rin ni National race organizer Rudy Biscocho ang dalawang qualifying race na sa unang pagkakataon ay idadaos sa Tacloban at Lipa bago ang Metro Manila race sa July 27.