Cariaso umangat ng husto

Kumbinsido ang lahat na mapipiling ‘Player of the Week’ si Jeffrey Cariaso maliban lamang siguro sa kanya.

Matapos ipakita ang kanyang solid performance sa Samsung-PBA All-Filipino quarterfinals nitong nakaraaang linggong June 2-8, hindi sinolo ni Cariaso ang papuri para sa tagumpay ng Coca-Cola.

Sinang-ayunan nito si coach Chot Reyes sa pagpuri sa kabayanihan ni Rudy Hatfield na di inalintana ang food poisoning na tumama sa kanya para magbigay ng kanyang kontribusyon sa 94-91 panalo kontra sa Talk N Text noong Linggo.

Hindi rin ito nag-protesta nang pinag-uusapan ng mga tao ang sak-ripisyo ni Rafi Reavis para pigilan si Asi Taulava sa naturang laro.

Nang umiskor ito ng basket na naging mitsa sa 86-79 panalo ng Tigers kontra sa Ginebra, sinabi niyang ang kanilang tagumpay ay dahil sa kanilang mahusay na team execution.

"Usually, when there’s little time left in the clock, you tend to rush things up a bit. I’m glad we executed well in that play," wika ni Cariaso na naging national team standout.

Matapos makuha ng Coca-Cola ang 2-0 record sa quarterfinals na naghakbang sa kanilang isang paa papasok ng semis, ipinasa nito ang papuri sa iba.

"I’m just glad our point guards have stepped up lately. We’re always tougher to beat when we have our point guards stepping up. Against Ginebra, Ato Morano really gave us a big lift. "Against Talk N Text", Johnny (Abarrientos) came out and gave us a big start," ani Cariaso.

"I think that the biggest difference between our first 18 games and our last to has been the production of our point guards," dagdag pa nito.

Ngunit kahanga-hanga ang nagawa ni Cariaso upang dalhin ang Tigers sa kinalalagyan nila ngayon.