Hapee naisahan ng Viva

LUCENA CITY -- Nakauna ang Viva Mineral Water sa best-of-five titular showdown laban sa Hapee nang kanilang kunin ang 64-57 panalo sa pagbubukas ng Sunkist-PBL 2003 Unity Cup Finals sa Quezon Convention Center dito.

Bagamat underdog sa serye, ipinakita ng Water Force ang kanilang determinasyon sa pangunguna ni Mark Isip na nagtala ng 11 puntos at pitong rebounds kasama ang back-to-back basket na nag-angat sa Viva patungo sa huling tatlong minuto ng labanan.

Sorpresang dinomina ng Viva ang first half kung saan kontrolado nila ang boards, 28-17. Buhat sa 20-18 bentahe, lumobo ito sa 30-18 sa ikalawang quarter.

Sumandal ang Hapee kina Rich Alvarez, Larry Fonacier, L.A. Tenorio at Wesley Gonzales para ilapit ang iskor sa 55-58, 3:54 na lamang ang oras sa laro ngunit umiskor ng back-to-back basket si Isip para sa 62-55 bentahe ng Viva patungo sa huling dalawang minuto ng labanan.

Sa unang laro, isang umaatikabong na 19-0 run ang ginamit ng John-O sa ikatlong quarter upang pabagsakin ang Montana Jewels, 80-67 kahapon upang makopo ang third place.

Humakot si Richard Melencio ng 18-puntos, 12 rebounds at tatlong assists matapos makipagtulungan Emerson Oreta at Nizar Kiram sa third quarter para makawala ang Juzzers at di na muling lumingon pa.Bunga ng panalong ito, nakabawi ang John-O sa kanilang nakakadis-mayang performance sa semifinals kung saan natalo sila sa kanilang anim na laro.