Tiyak na magpapatayan ng husto ang star-studded PLDT at Red Bull Barako para sa isang upuan sa finals sa kanilang pagtatagpo sa main game ganap na alas-10:30 ng umaga pagkatapos ng bakbakan ng Starmen at ang sorpresang nakalusot sa semis na CAR Inc. sa alas-9 ng umaga.
Muling sasandigan ng PLDT sina John Ramirez, Josel Angeles, Fran-kie Lim, Jeremy Anicete at Ryan Cristobal upang magbigay ng mabigat na depensa kina Francis Raushmayer, Erwin Velez, Kirk Collier, Jojo Villapando at Vincent San Diego.
Hindi pa rin sigurado kung makakalaro si Bill Bayno para sa Phone Pals.
Ang PLDT ay nagtapos na ikalawa sa overall standing matapos ang one-round eliminations habang ang Barako naman ay ikatlo.
Ibubuhos naman ng No. 1 sa overall at host Starmen ang kanilang 100% na laro upang isiguro ang slot sa finals.
Paniguradong hahataw ng husto sina Chris Dela Cruz, Ver Roque, Alfred Bartolome, Bong Martinez at Jonjon De Guzman upang tapatan ang puwersang maaring ibigay nina Richard Almudin, Japson Orzal, Ronan Sangco at Antonio Maglaque upang suportahan ng husto ang kamador nilang si Ariel Noora upang muling magbigay ng sorpresa na makapasok sa winner-take-all finals.