Game One: Hapee vs Viva

Lucena City – Kung ito ay isang boxing match, isa lang ang nais ni coach Koy Banal, makakuha ng isang matinding suntok para tapusin ang lahat.

Ngunit sa basketball kailangan kumpletuhin muna ang serye kontra sa Viva Mineral Water sa hardcourt sa panimula ng Sunkist-PBL Unity Cup championships.

At siyempre, iisipin nila na kulang pa ang team ni Banal na tina-guriang underdog sa best-of-five series na magbubukas dito sa lung-sod ng Lucena.

Kailangan namang masilat ng Viva ang Hapee sa paggamit ng kanilang mas mabibilis at mas batang binti.

Ayaw namang mag-kumpiyansa ni Hapee coach Junel Baculi sa kanilang magiging laban.

Ang laban ng dalawa ay nakatakda sa ganap na alas-3:45 ng hapon.

Mauuna rito, magha-harap naman ang Montana Jewels at John-O para sa third place sa sudden-death knockout sa ganap na ala-1:35 ng hapon.

Ang mga laro ay kapwa ipapalabas ng live sa NBN 4 at Solar Sports Channel 29.