Drug-free para sa SEA games athletes sa Vietnam

Pinagtibay kahapon ni Philippine Sports Commission (PSC) Chairman Eric Buhain ang commitment ng ahensiya sa drug-free participation ng bansa para sa nalalapit na Southeast Asian Games sa Vietnam.

Sinabi ni Buhain na nagsasagawa na ang top government sports agency ng drug test sa mga national athletes sa pamamagitan ng Philippine Center for Sports Medicine bilang preparasyon para sa mga major international competitions gaya ng SEA Games, Asian Games at Olympic Games.

Inihayag din ni Buhain na ang 442-strong PSC employees na nagta-trabaho sa kalusugan ng mga national athletes ay sumasailalim rin sa drug test ng Drug Check Philippines simula pa noong Marso ng taong ito.

Ang naturang pagsusuri ay pareho ng isinasagawa sa Philippine Basketball Association at sa Philippine Basketball League at iba pang athletic organizations.