3rd win target ng Viva

Ibig ni Ranidel de Ocampo na sundan ang yapak ng kanyang kapatid na si Yancy at makilala bilang kauna-unahang MVP ng bagong era ng PBL: 20 And Beyond na siyang magiging malaking achievement sa kanyang amateur career.

Ngunit ang daan tungo sa kanyang pangarap ay nasa kapalaran ng John-O sa kasalukuyang ginaganap na semifinals ng Sunkist-PBL 2003 Unity Cup.

At dahil nasa kanyang isipan na matupad ang pangarap na ito, sisiguraduhin ni De Ocampo na balikatin ang John-O sa kanilang nakatakdang pakikipaglaban ngayon sa Montana sa alas-2 ng hapon upang maiangat ang kanilang kasalukuyang 0-2 win-loss slate.

Sa kabilang dako, target naman ng Hapee Toothpaste na maiposte ang kanilang ikatlong panalo sa semis sa pakikipagtunggali naman sa Viva Mineral Water sa alas-4 ng hapon.

Nalampasan ng John-O ang kanilang ikalawang dikit na talo kontra sa Hapee Toothpaste, 62-69 noong Martes ng gabi, ngunit hindi pa huli ang lahat para sa Senators.

Tanging ang paraan para makapasok ang John-O sa best-of-five championship round ay ang maipanalo ang nalalabing tatlong laro, pero ang tsansang ito ay napakabigat dahil isang koponan lamang ang maaaring tumapos ng 4-1 record sa pagtatapos ng semifinal phase at sa pagkakataong ito, makakakuha lamang ang John-O ng playoff para sa huling championship berth.

At ito ang nais na ibangon ni De Ocampo kung saan sa huling dala-wang laro ay nagpakita na ito ng impresibong performance.