UAAP, NCAA CAGER pa-drug test na rin

Subukan kaya ng UAAP at NCAA officials na magpa-drug test na rin sa lahat ng players nila bago mag-umpisa ang 2003 season?

In the light of what has happened to some PBA players, sa palagay ko, the NCAA and the UAAP should follow suit.

Para maisiguro natin na lahat ng college players natin ay drug-free.

How about it, NCAA and UAAP?

* * *

Isang dating PBL player na ngayon eh nasa PBA na ang kayang-kaya na man-deadma ng mga bading na dati niyang kaibigan.

Ang dahilan?

May girlfriend na siyang mayaman na mayaman.

Galit si girlfriend kapag may kinakausap na bading si player kaya no choice naman si player.

* * *

Sa pagbubukas ng UAAP juniors, isang bagong high school player ang tiyak na babantayan ng mga mahihilig sa basketball.

Yan ay si Leo Canuday, 18 years old, na naglalaro para sa Adamson junior team.

Tubong Bacolod City at kasabayan ni James Yap, si Leo ay pointguard para sa junior team ng Adamson. Last year ay nakapasok sa Final Four ang Baby Falcons.

"Sana this year, makarating naman kami ng finals," sabi ni Leo.

Tulad ng ibang junior players, umaasa si Leo na maka-karating din siya sa seniors by next year. Sa angking husay niya sa paglalaro, naniniwala akong kakayanin niyang mara-ting ang kanyang pangarap.

* * *

Naging one year na ang suspension kay Jimwell Torion ng Red Bull.

Naging very stiff na ang penalty sa kanya ni Comm. Noli Eala at nawa’y magsilbi yang senyales para sa lahat ng PBA players na iwasan ang drugs at talagang seryoso si Comm. Eala na linisin ang PBA ng mga players na gumagamit pa ng ipinagbabawal na droga.

Sayang dahil dumating ito sa puntong gumaganda pa naman ang laro ni Torion sa Red Bull.

Sa NBA, ang suspension sa mga drug-users ay two years.

Mabuti nga at one year suspension lang yang nakuha ni Jimwell.

Mayroon pa kayang susunod?