Spring Cooking Oil vs Indons cagers

Sasagupain ng reigning Interclub champion Spring Cooking Oil ang Indonesian national team sa Abril 30 at May 1 sa Jakarta bilang bahagi ng kanilang preparasyon para sa NBL (National Basketball League) national championship na magsisimula sa Mayo 10 sa Ozamiz City.

Pag-aari ni national shooting champion Nathaniel ‘Tac’ Padilla, nakatakdang lumipad ang Spring squad sa Jakarta sa Abril 29.

Ang delegasyon ay pamumunuan ni NBL secretary general Tito Palma. Ang iba pang miyembro ng koponan ay sina head coach Bobby Parks, assistant coach Ricky Magallanes at ang mga manlalarong sina Erwin Luna, Eric Reyes, Tyrone Bautista, Rolly Menor, Mario Reyes, Murphy Limbo, Rodel Manuel, Theody Habelito, Bernard Tanpua, Matt Makalintal, Loreto Soriano II at Jay Lapinid.

Ang nasabing two-game series ang siyang highlight para sa panimula ng 10-team Indonesia Basketball League.