4 high school teams sali sa Sunkist Youth Basketball Championship

Ang apat na pangunahing high school teams mula sa UAAP at NCAA, kabilang na ang UPIS, Ateneo, San Beda at Letran ang ilan sa kasama sa Sunkist Youth Basketball Championship cast sa pambungad na event na inorganisa ng Sports Vision Management Group Inc., at host ni Makati City mayor Jejomar Binay.

At upang maging kapana-pa-panabik at maging mataas ang antas ng kumpetisyon, inimbitahan din ng SVMGI ang walong iba pang koponan mula sa iba’t ibang youth leagues sa Luzon, Visayas at Mindanao para sa pagdribol nito sa Huwebes (Abril 3) sa Makati Coliseum at Koliseyum ng Bayan sa Washington street sa Buendia, Makati.

Ito ay ang Xavier School mula sa Tiong Lian, Philippine College of Crimonology sa CUSA, Faith Academy sa MMBL, La Salle-Bacolod, Ateneo de Davao, Pampanga High School, University of San Jose Recoletos sa Cebu at Sacred Heart of Jesus Monte-ssori sa Northern Mindanao. Kasama naman sa NCR teams ang Adamson, UST, Mapua at San Sebastian.

"We wanted to ensure top notch action that’s why we decided to invite the top high school teams to the tournament," ani dating PBA commissioner at SVMGI president Jun Bernardino nang ilunsad ang torneo kahapon sa PSA Forum sa Manila Pavilion Hotel.

Ang mga laro ay magkasabay na gaganapin sa Makati Coliseum at Koliseyum ng Bayan sa ganap na alas-10 ng umaga.