PSC nakatutok sa Vietnam SEA Games

Siniguro ni Philippine Sports Commission chairman Eric Buhain na ang paghahanda para sa nalalapit na Vietnam Southeast Asian Games ay kanilang tinututukan bagamat may pagkukulang na sanhi ng pagkakabawas ng kongreso sa budget ng PSC mula sa General Appropriations Fund.

Kinalma din ni Buhain ang kinakatakutan at maling pag-aakala sa prayoridad ng PSC, at sinabing may malakas na programa ang ahensiya para suportahan ang mga elite athletes at siniguro na hindi pababayaan ng pamahalaan ang grassroots development.

"It’s a matter of placing priorities in order. And, of course, the SEA Games is our top priority this year." ani Buhain. " We will feel the pinch of the budget cut, of course, but we will not let our programs to be hobbled by fund shortage. We try to save in other areas to supplement other priority requirements."

Sinabi din ni Buhain na nilinaw din ni Pangulong Gloria Macapagal-Arroyo na magiging competitive sa mga kalapit na bansa ang Pilipinas hindi lamang sa usaping pang-ekonomiya kundi maging sa sports.