Sinong magulang ang papayag?

Hindi pa rin maawat ang Lanao de Norte sa kanilang mithiing itanghal ang Palarong Pambansa sa kanilang bayan kung saan naitayo ang isang moderno at napakagandang sports center.

Walang duda na maganda ang Lanao del Norte at higit sa lahat ay dapat na maging isang tourist attraction natin dahil na rin sa kanilang napakagandang resorts doon.

Pero hindi naman ang kagahandahan ang pinag-uusapan dito kundi ang kaligtasan ng mga atletang lalahok.

Sa ngayon sinabing safe pa ang lugar.

Okey, fine! Pero sinong magulang ang papayag na i-risk ang kanilang mga anak na papuntahin at pasalihin sa Palarong Pambansa na alam na alam ng lahat sa atin na medyo hindi maganda ang sitwasyon ng Mindanao. Di ba’t ang Davao City ay isa sa pinaka-safe na lugar sa Mindanao?

Pero sa hindi sinasadyang pagkakataon ay may nagpa-sabog ng bomba na ikinasawi ng 21 katao.

So, kung ako ang magulang na may anak na atleta, hindi na ako magdadalawang-isip, talagang hindi ko siya papayagang sumali sa Palaro.

Kaya mas mabuti pang ilipat na lang sa ibang venue.

Kaya hindi na ang kagandahan ng isang bayan ang nakataya dito kundi kaligtasan ng mga atletang pawang mga bata pa.

Ito ay sariling opinyon ko bilang ina, ewan ko lang sa iba!

* * *

Bongga ang pagdiriwang ng Ang Pilipino Star Ngayon ng 17th anniversary.

Yes folks, 17 years na po kami.

Kaya sa lahat ng tumatangkilik sa amin sa loob ng 17 taon sana samahan ninyo kami sa mga darating pang taon.

And with special thanks nga pala kay Romel Adducul ng Barangay Ginebra sa kanyang pagdalaw dito sa aming opisina kasama ang kanyang manager-agent na si Ed Ponceja.

Siya nga pala congratulation din kay Romel na ga-graduate sa Friday. Si Romel ay kumukuha ng Business Management sa San Sebastian College.

* * *

Personal: Happy birthday kay Salvador ‘Beet’ Castañeda sa Marso 20 mula dito sa PSN at mula kay Guding Salazar ng Pila, Laguna.