Mercado pinataob ni Cruz sa Table Tennis Tourney

CABANATUAN CITY -- Iginupo ni dating national team mainstay Rebo Cruz si Seth Mercado, 11-3,11-5, 8-11, 11-2 kahapon upang umusad sa quarterfinals ng premier 30 under division ng unang TATAP Quarterly Age-Group Table Tennis Championship sa multi-purpose hall ng Mega Center Mall dito.

Naging kapana-panabik naman ang laban nina Leomar Oria at Cesjoey Encarnacion, 21-19; 12-10, 11-3, 15-13 para umusad din sa boy’s 14-under.

Nakapasok din sa susunod na round ang Davao leg 17-under titlist na si Rovinick Dumlao na nanalo kay Jay Oria, 11-5, 11-2, 11-5.

Dinurog naman ni Mary Anne Reyes si Anna Falcon, 11-4, 11-6, 11-4, sa girls’ 17-under.