Ginapi ni Niño Salvador si Carlito Rojo, 7-5, 6-3 sa unag singles, bago nakipagtambal kay Arvin Ruel na nanalo naman sa double kontra kina Michael Mantua at Menandro Econg, 6-0, 7-5. Ngunit bumangon si Econg nang kanya namang kupitin ang huling singles kontra kay Michael Tenoria, 8-5 upang pigilan ang Stags na mabokya ang Knights.
Naungusan ng Philippine Christian University ang San Beda, 2-1 upang pagandahin ang kanilang record sa 5-2, habang nanalo naman ang College of St. Benilde ng walang hirap sa pamamagitan ng default kontra Jose Rizal University upang kumpletuhin ang semifinal cast.
Ibinigay ni Emerson Ocampo ang 1-0 kalamangan ng Red Lions matapos na manalo ng unang singles kontra Carlo Estrella, 6-3, 6-3, ngunit nag-rally ang Dolphins sa likod ng tambalang Roel Licayan at Ricardo Solon na nagposte ng 6-3, 2-6, 6-4 panalo kontra sa duo nina Borgs Solpico at Ocampo, at nanaig si Solon kay Solpico sa iskor na 6-2, 6-1.
Sa juniors division, hiniya ng St. Benilde ang JRU, 3-0 upang manatiling walang talo makaraan ang pitong laro. Ginapi ni Irwin de Guzman si Geoffrey Calcita, 6-0, 6-1, binomba naman ng tambalang Jandrick de Castro at Ian Avila ang pareha nina Jose Wenceslao at Calcita sa iskor na 6-0, 6-1 bago niyanig ni Lawrence Magaway si Wenceslao, 8-0.