Villanueva maglalaro sa Dazz?

Maglalaro kaya si Enrico Villanueva para sa Dazz Dishwashing Liquid?

Sinabi kahapon ni Dazz team manager Bernard Yang na nagpahayag ang 6’6 Ateneo Slotman ng intensiyong tumulong sa Greesebusters sa kanilang kampanyang makatulong sa no. 2 spot sa kasalukuyang PBL Challenge Cup.

"It’s true, Enrico Villanueva hopes he could play for us upon his return from the US today or tomorrow. He said he wants to help the team get into the championship," ani Yang.

"We still have to see. Coach Junel Baculi wants to see first if he’s fit to play after the long vacation. If he is, he might see action on Saturday when we play LBC Batangas in Lipa City," dagdag nito.

Kung maglalaro si Villanueva, magiging ikalawang pinakamataas na koponan ang Dazz pagkatapos ng Welcoat dahil maglalaro na rin ang dating MBA MVP na si John Ferriols sa Sabado.

Kailangang ipanalo ng Greesebusters ang kanilang huling tatlong laro upang makuha ang no. 2 spot at bentaheng twice-to-beat patungo sa crossover semifinals.

Dahil sa posibleng pagsasama nina Villanueva at Ferriols dagdag pa ang talento nina Allan Salangsang, Eugene Tan, Cyrus Baguio, Nino Gelig at June Simon, may magandang tsansa ang Dazz na makabawi sa kanilang 53-56 pagkatalo kontra sa Batangas Blades noong December 5.

Samantala, maaaring magbigay ng reaksiyon at comments ang PBL fans sa PBL website: www.mypbl.com.