Coke kampeon sa PBA All Filipino Cup

Ika nga ng isang Christmas song ‘C is for candy cane around the Christmas tree!

Sa PBA, ang C ay para sa Coca-cola, Championship, Christmas, Chot, Cariaso at Cheekbone.

Coca-Cola ang kampeon ng Selecta All-Filipino Cup.

Championship – ang kauna-unahang titulo ng Tigers sa kanilang rookie year.

Christmas – kinubra ng Tigers ang kanilang pinakamagandang regalo sa mismong araw ng Pasko matapos ang 78-63 panalo kagabi sa Araneta Coliseum.

Chot Reyes – ang ikaanim na coach na nanalo ng championship para sa iba’t ibang koponan.

Cariaso (Jeffrey) – bagamat wala na ang player na ito ay nagawang tapusin ng Tigers ang best-of-five series sa 3-1 panalo-talo.

Cheekbone – ang na-fracture kay Johnny Abarrientos noong Game One sanhi ng kanyang pagkawala sa mga sumunod na laro, ngunit naging inspirasyon ng Coca-Cola.

Ito ang ibig sabihin ng Pasko para sa Coca-Cola.

Humataw ang Tigers sa fourth quarter sa pangunguna nina William Antonio at Rudy Hatfield upang iposte ang 18-puntos na pangunguna, 70-52 na kanilang naging tuntungan sa panalo. (Ulat ni Carmela V. Ochoa)