Ginebra vs Alaska; Talk 'N Text vs SMBeer

Ang dalawang pares ng laban ngayon ang maghihiwalay sa landas ng apat na koponang magbabanggaan sa kasalukuyang Selecta-PBA All-Filipino Cup sa Phil-Sports Arena.

Parehong ikaapat na panalo ang nakataya sa dalawang sultada na siyang maglalapit sa matatagumpay na koponan sa quarterfinal round ng season-ending conference na ito.

Unang magsasalpukan ang Barangay Ginebra at Alaska Aces sa pambungad na laban sa ganap na alas-5:30 ng hapon na susundan naman ng engkuwentro ng defending champion San Miguel Beer at mapanganib na Talk ‘N Text sa alas-7:30 ng gabi.

Dahil galing sa dalawang sunod na panalo ang Phone Pals, delikado ang Beermen lalo pa’t ang kanilang huling tinalo ay ang Red Bull, 77-67 noong Biyernes sa Yna-res Center.

Bagamat galing sa 81-66 panalo ang San Miguel laban sa kanilang sister team na Purefoods TJ Hotdogs, may nararamdaman ding kaba si coach Jong Uichico laban sa Phone Pals.

Inaasahan ni Uichico sa opensa sina Dondon Hontiveros, Danny Ilde-fonso, Boybits Victoria, Olsen Racela at Nick Belasco kasama si Do-rian Peña na posibleng ipantapat ni Uichico kay Taulava.

Bukod kay Taulava, siguradong kakamada rin para sa Phone Pals sina Paul Alvarez, Don Camaso, Victor Pablo, Alex Crisano, Kenny Evans at iba pa.(Ulat ni CVOchoa)