UM hiniya ng St.Francis

Ipinadama ng St. Francis of Assisi ang kanilang supremidad kontra sa Mindanao titlist University of Mindanao nang kanila itong hiyain, 61-46 kahapon at makapasok sa quarterfinals ng Champions League 2002 sa Makati Coliseum.

Hindi pinaporma ng Doves ang Wild Cats nang sa pagtikada pa lamang ng unang quarters ay agad nila itong iniwanan kung saan nagsanib ng puwersa ang mga PBL veterans na sina Ranidel de Ocampo, Erwin Sotto at Al Vergara at kanilang ipinakita ang malalim na karanasan mula sa ligang kanilang nilalaruan.

Humakot si Lyndon Abian ng 10 puntos para tabunan ang 12 puntos na produksiyon ni Callo para sa Davao-based cagers. (Ulat ni Carmela Ochoa)