China belles kinatatakutan

CLARK, Pampanga --Habang di pa nagbabago ng isip ang China, ang kalidad ng field na magpapakita ng aksiyon sa 1st Clark Centennial Cup Asian Beach Volleyball Championship ay mananatiling isa sila sa pinakamahusay na koponan sa Southeast Asian region na naka-takdang dumating sa susunod na linggo.

Kinumpirma kahapon ng organizing AYN Sports Management Group na kasamang darating ng Asian Games fourth placer Thailand, ang Indonesia at Vietnam na sasabak sa aksiyon sa tournament na ito na suportado ng PSC, Gatorade, Speedo, Philippine Airlines, Globe, Absolute at ng Philippine Star.

Nangako ang China, nagwagi ng gold at silver sa Busan Asian Games na lalahok, ngunit kamakailan lamang ay nagkaroon ng development na posibleng di makasali ang paboritong China na nangangahulugan na lamang ng anim na bansa ang sasali na binubuo ng 10 teams ang maglalaban-laban para sa US$10,000 prize money.

Magpapadala ang Thailand ng malakas na koponan at kung magdedesisyon ang China na di na sasali, posibleng maangkin ng Thais, na magpapadala rin ng dalawang squad, ang korona ng ikaanim na yugto ng Asian circuit.

Kalahok din ang Japan kasama ang Vietnam kung saan magpapadala ang Philippines ng dalawang teams na ang isa ay isang local inter-collegiate champion.

Pangungunahan nina Manatsanan Pangka at Rattanaporn Arlaisuk, ang naturang tambalan ang ranked 18th sa mundo at 1998 Asiad champion ang kampanya ng Thai. At sa ikalawang koponan ng Thai, babandera naman sina Kamiltip Kulna at Jarunee Sannok.