Ang tatlong iba pang judges ay ang Filipino na si Narciso Martinez, Thai Seanphan Saengakah at Shafeeg Rushad ng New Jersey, USA. Aakto naman ang Amerikanong si Daryl Peoples, rating chairman ng International Boxing Federation bilang fight supervisor ng Duel in Davao main event.
Ito ang ikatlong pagdedepensa sa titulo ng 26-anyos na si Pacquiao sa kanyang korona kontra Thai Fahprakorb Rakkiatgym sa 5,000-capacity gym.
Tampok rin sa main supporting match sina ex-World Boxing Council featherweight contender Christopher Saluday ng Davao City sa 10-rounder.
Ang iba pang maglalaban ay sina dating Sydney Olympian Danilo Lerio kontra upcoming Philip Parcon at RP superbantamweight king Jimrez Jaca vs Thai Wihok Jockeygym.
Magiging mahigpit ang seguridad sa nasabing laban kung saan mayroong mga bomb snifing K9 dogs ang siyang ipapakalat sa venue, bukod pa ang pagpapakalat ng mga PNP personnel para sa seguridad sa nasabing laban.
Ang nasabing event ay hatid ng Philippine Amusement and Gaming Corp., Philippine Charity Sweepstakes Office, Marco Polo Hotel, Alaxan, Department of Tourism, Gov. Manny Piñol at Cotabato Province, Royal Mandaya Hotel at Davao City Mayor Rudy Duterte.
Mabibili na ang mga ticket sa Park ‘N Shop ng Victoria Plaza, third floor ng Gaisano Mall, Casino Filipino Davao at Duel in Davao office o kaya ay tumawag sa tel. no. 2984051 o 2984052.