2002 National Open Cycling Championships

LINGAYEN, Pangasinan - Pangungunahan ng mga mahuhusay na siklista ng bansa mula sa national team ang mga kalahok sa 2002 National Open Cycling Championship dito simula sa Disyembre 1-8.

Babandera sa national riders sina Asian Games athlete Victor Espiritu, Elmo Ramos, Taiwan Giant Cup riders, Arnel Quirimit at Emelito Atilano, Eagle Tour of Malaysia candidates Santy Barnachea, Enrique Domingo at Wilmur Baluyut para sa cast ng 180 Kms. open road via-Baguio competition sa national open.

Paborito si Quirimit na nabigong mapasama sa 14th Asian Games sa Busan, South Korea sa kabila ng mahigpit na hamong ibibigay nina Espiritu, Barnachea, Baluyut, Domingo at Atilano.

Magpapakita ng aksiyon ang mga top rated na siklista sa 180kms race route via Baguio, bilang ‘Killer Lap’ kung saan ipapamalas ni Barnachea, kampeon sa FedEx Calabarzon ang kanyang husay mula sa akyatan.

Bukod sa mga nabanggit, kalahok din sina Asian gamer Paterno Cur-tan at Lloyd Lucien Reynante, Wilson Blas, Paolo Manapol, Alfie Catalan, Danzel Yanaron, Ernesto Medina, Ronald Gorantes at Nilo Estayo ang sasabak para sa karangalan ng track event na ito na gaganapin sa Don Narciso Ramos Sports and Cultural Complex.