Manalo nanalo kay Quinatadcan

Pinabagsak ng top seed na si Nikki Manalo ang third pick na si Irina Quinatadcan, 6-0, 6-0 kahapon upang makarating sa girls’ 12-under finals ng Alberto Lina Masters Cup Tennis tournament sa Rizal Memorial Tennis Center.

Haharapin ni Manalo, kampeon sa FedEx netfest noong nakaraang linggo ang second seed na si Trudy Amoranto na nagtala ng 6-0, 6-0 panalo kontra kay Jia Alesis sa pagbabalik ng two-weekend event na ito sa Biyernes.

Sa boys’ 14-under category, pinayukod naman ng third seed na si Russell Arcilla Jr., si Dan Jeffrey Onate, 6-1, 6-1, tinalo rin ni Daniel Macalino si Tomic Apacible, 6-1, 6-3 at ginapi ni Joseph Baldonado si Jarryd Manduriao, 6-2, 6-2 upang makakuha ng quarterfinals berth sa event na ito na suportado ng Dunlop balls.