Unang mapapasabak sa matinding hamon ang John-O kontra sa Casino Rubbing Alcohol sa alas-2 ng hapon, habang makikipagsabayan naman ng lakas ang Blu sa Hapee Toothpaste-Cebu sa alas-4.
Ang mananalo sa dalawang larong ito ang siyang maglalaban para sa knockout match para sa korona, habang pag-aagawan naman ng mga talunang koponan ang third place.
Ang nasabing mga laro ay ipalalabas ng live sa National Broadcasting Network.
Ipaparada ng John-O ang kanilang mahusay na line-up na babanderahan nina Ranidel de Ocampo, Jeff Napa, Archen Cayabyab, Nizar Kiram at Bong Salvador na palalakasin pa lalo ng mga beteranong sina Celino Cruz, Leo Bat-og, Ricky Calimag at Mark Macapagal.