Beteranong basketbolista yumao na

Yumao na si Benjamin S. Francisco, miyembro ng legendary 1953 team na tumapos ng ikatlong puwesto sa World Basketball Championship sa Brazil noong nakaraang Biyernes (August 30, 2002) dahil sa kanyang karamdaman.

Ang 70 anyos na si Francisco ay ka-teammate ni Carlos ‘The Big Difference’ Loyzaga noong 1953 kung saan ang tagumpay ng kanilang koponan ay hindi mahihigitan ng sinumang RP men’s team hanggang sa ngayon.

Naulila niya ang asawang si Felicitas Francisco, ang assistant sports director ng University of Santo Tomas, ang kanyang mga anak na sina Benjamin Jr., Sonny, Genevieve, Aaron, Zoe at Gerard, na kasalukuyang naglalaro sa Sta. Lucia Realty sa PBA.

Ang kanyang labi ay nakahimlay sa Manila Memorial Park La Funeraria Paz Chapel sa Sucat, Parañaque. Siya ang ililibing bukas (Miyerkules, Sept. 4, 2002) matapos ang misa sa alas-2 ng hapon.