EAC talo sa St. Benedict

Tinalo ng St. Benedict College ang Emilio Aguinaldo College, 57-30 upang iposte ang kanilang ikalimang panalo kahapon sa 33rd WNCAA-Adidas basketball tournament sa St. Scholastica’s College gym.

Taliwas sa kanilang pagiging top finishers noong nakaraang season, ang panalo ay naghatid sa SBC Red Ravens ng pakikipagtabla sa Miriam College Golden Phoenix sa ikatlong puwesto.

Sa iba pang laro sa high school, ginapi ng Miriam ang host Assumption College, 66-36, habang natakasan naman ng St. Stephen’s High School ang St. Benedict College, 61-58 at napaganda naman ng St. Scho ang kanilang record sa 3-3 matapos ang 20-0 panalo laban sa Angelicum College.