Bustamante umusad sa finals

Dinaig ni Francisco "Django" Bustamante si Mike Massey, 3-0, sa kanilang best-of-five match noong Huwebes at umabante sa quarterfinals ng Gabriel’s Las Vegas Invitational 9-ball tournament.

Kasalukuyang nakikipaglaban si Efren "Bata" Reyes kay Ian Costello sa round of 16 habang sinusulat ang balitang ito.

Ang iba pang nagwagi sa round of 16 ay ang top-ranked American na si Corey Deuel na dinaig si Luc Salvas, 3-0, sa kanilang best-of-five match upang umabante sa quarterfinals kontra sa dating US Open champion na si Rodney Morris.