Adamson yuko sa Sienna

Pinayukod ng Siena College ang host Assumption College, 58-52 upang makapasok na sa win column ng 33rd WNCAA-Adidas basketball tournament sa SSC gym.

Ang panalong ito ng Fiery Red Lilies ang siyang nag-ahon sa kanilang nalasap na 80-56 kahihiyan mula sa mga kamay ng University of the Assumption noong nakaraang linggo upang iposte ang 1-1 kartada.

Bumagsak naman ang Assumption Angels sa 1-2 karta kung saan ang kanilang kauna-unahang panalo ay kanilang natamo ng walang hirap kontra Rizal Technological University Technocrats noong nakaraang Linggo.

Sa high school division, nagawang makisosyo ng St. Benedict College sa pangunguna sa Assumption nang kanilang itarak ang 77-63 panalo kontra Angelicum College.

Ipinagpatuloy naman ng St. Scholastica’s College at Assumption ang kanilang pananalasa sa midgets division nang magsipagwagi sa kani-kanilang kalaban.

Tinalo ng defending champion SSC Doves ang SBC Red Ravens, 58-56, habang namayani naman ang Assumption sa De La Salle Zobel, 50-24 upang kapwa iposte ang 2-0 win-loss slate.