Ateneo, namayagpag sa SBP/Passerelle

Tulad ng inaasahan walang hirap na pinayuko ng defending champion Ateneo ang kanilang dalawang kalaban sa Milo Best SBP/Passerelle basketball tournament na nagbukas noong Linggo sa St. Benedict College courts sa Alabang Hills.

Dinurog ng Ateneans ang Community of Learners, 65-11 sa SBP division at namayani sa Don Bosco-Mandaluyong, 101-44 sa Passerelle group.

Sa iba pang laro, dinaig ng St. Francis ang JASMS, 56-29 sa SBP, habang dinaig ng St. Anthony ang De La Salle-Zobel, 76-65 at sinorpresa naman ng Flos Carmeli ang Lourdes Mandaluyong, 66-59 sa Passerelle division.

Sumandal ang FC boys sa 28 puntos ni Rasco upang makabangon mula sa 29-34 halftime deficit.