Cañete nayanig kay Borris

CEBU-Niyanig ni Laurence Borris si James Cañete, 4-6, 7-6, 6-2 upang itakda ang kanilang championship match kasama ang kapwa niya Maasin, Southern Leyte netter Jeedra Tan na nagpatalsik naman kay Robby Soquino, 6-0, 6-1 sa boys’ 14-under division sa 2002 Milo Junior Tennis Cup & Regional Workshop noong Linggo dito sa Sancase Tennis Club.

Pinabagsak ni Ana Micayabas ng Maramag, Bukidnon si Floreza Alesna, 6-2, 2-6, 6-2 upang maka-entra sa girls’ 16-under final at kanyang makakaharap si Gay Cabisisi sa girls’ 18-under bracket para sa posibleng double title sa Milo netfest na inorganisa ng CTW group at suportado ng Adidas Sports Kids at sanctioned ng Philta.

Ang iba pang finalists ay sina Jin Querubin kontra Alesna sa girls’ 14-under division, Sally Mae Siso kontra sa nakababatang kapatid na si Bernardine Siso sa unisex 10-under class; Macy Solon vs Julie Ann Jopia para sa girls’ 10-under jewel; Oswaldo Dumoran kontra Gerry Huyoa para sa boys’ 14-under trophy at Janjie Soquino laban kay James Dumoran para sa korona ng boys’ 18-under bracket.