Blu bagsak sa Ateneo

Sa likod ng pagkawala nina Paolo Bugia, Wesley Gonzales at Magnum Membrere, nagawa pa ring pabagsakin ng Ateneo-Hapee-Negros Navigation ang Blu Sun Power, 68-62 kahapon upang mapreserba ang kanilang kapit sa solong liderato ng semifinal ng 2002 PBL Chairman’s Cup sa Pasig Sports Center kahapon.

Nagpakita ang Blue Eagles ng determinasyon at teamwork lalo na sa huling bahagi ng labanan kung saan hindi nila pinaiskor ang Detergent Kings upang iposte ang ika-12 panalo sa 17-laro.

Naging mainit ang mga mainstays na sina Rich Alvarez, Enrico Villanueva at Larry Fonacier sa pivotal final period habang pinatuna-yan naman ni Jec Chia na karapat-dapat itong replacement ng injured na si Membrere.