Programa ng ASAPHIL itutuloy ng mga bagong opisyal

Ipinangako ng mga bagong halal na opisyal ng Amateur Softball Association of the Phils. (ASAPHIL) na higit pa nilang palalakasin ang softball sa bansa at palalawigin ang partisipasyon ng bansa sa iba’t-ibang bansa.

Nahalal na bagong chairman at president ng ASAPHIL si congressman Harry Angping ng ikatlong distrito ng Maynila at nahalal namang Executive vice-president si Filomeno ‘Boy’ Codiñera na magsisilbi ding national coach. Ang iba pang miyembro ay sina Lt. col. Alan Arrojado, auditor; Dr. Ma. Liza Bueta, vice-president-Luzon; Greg Jimena, vice-president-Visayas; Atty. Luis Climaco, vice-president-Mindanao; Antonio Del Monte, director-Luzon; Marino Tancinco, director-Visayas at Joaquin Sarabia, director-Mindanao.

Sa ilalim ng programa ni Angping ang bansa ay lalahok sa Invitational Cup sa Zurich, British Columbia at Canada. Kakatawan din ang RP Blu girls sa Asian Games sa Busan at idedepensa naman ng Blu boys ang titulo sa Malaysia.