Masyadong malakas si Lerio para kay Athit Thiangtrong ng Finland nang umiskor ito ng 24-8 tagumpay habang pinadapa naman ni Payla si Liam Cunningham ng Ireland, 23-16 sa semifinals sa bantamweight at flyweight, ayon sa pagkakasunod.
Dahil dito, makakasama nina Lerio at Payla si Harry Tanamor para sa kanilang paghuhukay ng gintong medalya.
Ang tagumpay ay magbibigay din sa bansa ng pinakamagandang performance sa taunang pa-boksing na ito.
Hindi nasunod ang three-out-of-three na puntirya ng Team Philippines nang mabigo si Genebert Basadre sa kalabang si Bobirnat Ovidio ng Cyprus sa pamamagitan ng RSC sa third round.
Sa finals, makakaharap ni Lerio ang Greek slugger at paboritong si Artour Mikaelian na namayani naman kay Bedak Zsolt ng Hungary, 23-12.
Makikipagpalitan naman ng kamao si Payla kay Sebastien Gauthier ng Canada na nanaig kay Gagik Martirosyan ng Armenia, 24-14.
Una nang naitakda ang laban ni Tanamor kay Salim Salimov ng Bulgaria bilang dalawang magkalaban sa lightflyweight category.