Milo netfest darayo sa Laoag ngayon

LAOAG-Magbabalik ang 2002 Milo Junior Tennis Cup & Regional Workshop sa North Luzon kung saan iho-host ng Laoag Tennis Club ang 6th leg ng Milo age group tournament simula ngayon dito.

Ang Milo Junior Tennis Cup na ito ay gaganapin sa koordinasyon ng office of City Councilor Yvonne Ranada at bahagi ng Region-1 summer tennis program ng Philippine Tennis Association (Philta), vice president Ferdie Medina na kinabibilangan ng 3rd Vice Mayor Bernardo Valero Cup sa San Fernando, La Union; Vigan age group championship sa Ilocos Sur at Batac junior tournament sa Ilocos Norte.

Ang Milo netfest na ito ay inorganisa ng Children’s Tennis Workshop at suportado ng Adidas at Sports Kids na may sanction mula sa Philta. Tampok ang mga events sa boys’ and girls’ 18-under, 16-under, 14-under, 12-under at 10-under unisex.