Para naman sa Alaska Aces, kailangan nilang pigilan ang napipintong selebrasyon ng Purefoods upang maipuwersa ang winner-take-all na Game Seven.
Sino kaya sa Alaska at Purefoods ang makakapagsakatuparan ng kanilang iniisip?
Ito ang malalaman ngayon sa Game Six ng best-of-seven championship series na sisimulan sa ganap na alas-6:30 ng gabi sa Big Dome.
Mataas ang morale ng TJ Hotdogs na harapin ang Aces sa engkuwen-trong ito dahil sa kanilang hawak na 3-2 bentahe sa serye makaraang tagpasin ang 2-2 pagtatabla sa pamamagitan ng 84-72 panalo sa Game Five kamakalawa.
"Malaki ang advantage namin because it’s like having the twice-to-beat edge. But you have to remember that if you lose the first game when you have the twice-to-beat advantage, then you don’t have any edge at all in the second match," wika ng Purefoods interim head coach Ryan Gregorio. "So definitely we will try to finish it today."
Kailangan naman ni Alaska coach Tim Cone na maging malamig ang ulo sa larong ito upang di maulit ang kanyang pagkaka-thrown-out sa kanilang nakaraang laban na naging malaking dahilan ng pagkatalo ng Aces.
"I’m extremely frustrated. That’s my problem. Frustration makes a bad coach and I’m a bad coach right now. I just have to find a way out of this," wika ni Cone. "We’re not executing as well as we should. We’re not making adjustments well."
"We’re having difficulty doing the things we want to do defensively. Against San Miguel, we were allowed to climb over backs. Now, we’re not allowed to do that. We want to deny Derrick Brown the ball a lot but we can’t do it."
Kung magtatagumpay ang Purefoods, sila ang unang koponang matagumpay na nakabangon mula sa 0-2 pagkakabaon sa serye sapul nang nagawa ito ng Toyota taong 1982. (Carmela Ochoa)