National Athletes and Coaches incentives ipapatupad na

Ang lahat ay nakahanda na para pasimulan na ng Philippine Sports Commission (PSC) ang pagi-implementa ng Republic Act 9064, kilala bilang National Athletes and Coaches incentives Act 2001 sa kalagitnaan ng buwan ng Mayo.

Ang mga application forms ay maaari ng makuha para sa mga Olympic, Asian Games at World Cup medalists na siyang tatanggap ng naturang insentibo.

Ang R.A. 9064 na nilagdaan ni Pangulong Gloria Macapagal-Arroyo noong Abril 2001 ay naglalayon na ang lahat ng medalists sa Olympic Games, Asian Games at quadrennial World Championships ay kuwalipikadong beneficiaries nito.

Ang PSC ay isang government’s sports body ang siyang mangungunang ahensiya sa pagiimplementa ng nasabing batas na tutustusan ng PAGCOR sa kooperasyon ng BIR, Philhealth, SSS, PAGIBIG at House Committee on Youth and Sports para sa non-monetary incentives.

Ang mga aplikante ay kailangang mag-fill-up ng application form at magsumite ng dalawang kopya ng passport size photos, birth certificate, cedula, katibayan ng kanilang qualications o endorsement mula sa kani-kanilang NSAs, action photos, clippings, certificate of awards and medals sa PSC Support Services Division, Room 211 PSC Administrative Building, Pablo Ocampo Sr., Blvd, Malate Manila.