Briton yuko sa Fil-am netter

Inihakbang ng Fil-American Ruben Gonzales ang kanyang sarili sa boys singles quarterfinals makaraang iposte ang 6-2, 7-6 (5) panalo kontra Luke Campbell ng Great Britain kahapon sa pagpapatuloy ng 13th Mitsubishi Lancer International Junior Tennis Championships sa Rizal Memorial Tennis Center.

Haharapin ng Chicago-born netter, na kasalukuyang lumalaro sa kanyang ikalawang tournament sa ITF Asian Juniors Circuit ang fourth seed Liu Taiwei ng Chinese Taipei.

Nangailangan si Liu, ranked No. 49 sa daigdig ng extra set upang talunin si Marco Beeler ng Switzerland, 7-5, 2-6, 6-1.

Nabigo namang umusad ang local girl na si Czarina Mae Arevalo sa fourth seed Elise Tamaela ng Netherlands, 6-4, 3-6, 4-6.

Pawang nabigo ang top seed at world No. 31 Go Saeda ng Japan, No, 2 Michael Koning ng Netherlands, No. 5 Hsieh Wang-cheng ng Chinese Taipei at No. 6 Bas Van Der Valk ng Netherlands na umusad sa boys’ singles quarterfinals.