Manila Youth Games pinuri ng PSC

Pinuri ni Philippine Sports Commission chairman Eric Buhain ang City Government of Manila dahil sa pagsulong nito sa mga local government unit na paunlarin ang national sports para sa mga kabataan.

"Manila has taken the lead in line with the national government‘s thrust of promoting grassroots sports and we truly commend its leadership. The PSC expects others to follow suit," ani Buhain.

Tinutukoy ng Chairman ang First Manila Youth Games (MYG) na nakatakda sa Abril 7-14 sa Rizal Memorial Sports Complex.

Sa kanyang parte, sinabi naman ni Manila Mayor Lito Atienza na " the City Government of Manila is committed to pursue and accomplish our mass-based sports development objectives."

"We see the Manila Youth Games as a vital part of our Buhayin ang Maynila program aimed at re-establishing the city’s culture of sports excellence," dagdag pa niya.

Sinabi rin ni Atienza na ang Pamahalaan ng Maynila ay kumpiyansa na magiging matagumpay ang pagdaraos ng MYG base sa tinatanggap ng rehistrasyon.

Ayon kay Manila Sports Council (MASCO) chief Ali Atienza, anak ng mayor, na may humigit sa 3,000 partisipante mula sa iba’t ibang barangay, paaralan at sports clubs sa buong Maynila ang inaasahang sasali sa isang linggong event na ito.

Idinagdag pa niya na lahat ng 100 barangay zones ng anim na distrito ng Lungsod ng Maynila ang kakatawan sa Manila Youth Games.

Kabilang sa mga sports events na nakalinya para sa MYG ay ang athletics, badminton, chess, dancesports, football, gymnastics, lawn tennis, girls softball, swimming, table tennis, taekwondo at volleyball.