Bagong coach at 6 bagong players ng RCPI-Negros Slashers

Bagong coach at anim na bagong players ang magdadala sa RCPI-Negros Slashers sa pagbubukas ng Metropolitan Basketball Association sa Abril 6.

Kinuha ng Negros management ang serbisyo ni Jojo Villapando bilang bagong coach ng Slashers.

Ang mga baguhang players naman na kinuha ng management ay ang mga nagbabalik MBA na sina Tyrone Bautista, Frechie Ang ay Carlo Espiritu, mga beteranong sina Jose Francisco, Ryan Gamboa at ang 6’9 na si Vincent San Diego.

Kasama pa rin sa team ng Slashers sina John Ferriols, Reynel Hugnatan, Leo Bat-Og, Patrick Benedicto, Ruben dela Rosa, Dino Aldeguer at Dennis Madrid.

"The team is very balanced. We can match up with the other teams in all aspects," ani Villapando. "We’re very flexible."

Mabibigyan ng special attention ang 21 anyos na si San Diego na buhat sa De La Salle University ngunit hindi gaanong nabigyan ng exposure sa UAAP kasama ang batch nina Don Allado at at Mark Clemence Telan.