MLQU arangkada agad sa CUSA chess tournament

Dalawang panalo ang kinamada ng Manuel L. Quezon University kontra sa Gregorio Araneta University Foundation at Trinity College upang masungkit ang liderato sa pagsisimula ng Colleges and Universities Sports Association (CUSA) team chess tournament.

Itinala ng MLQU chessers' ang 4-0 panalo kontra sa GAUF at Trinity na sapat na para makuha ang pamumuno matapos na makalikom ng walong puntos, may kalahating puntos na agwat sa pumangalawang Technological Institute of the Philippines. Sa iba pang laro, bumangon naman ang host Metro Manila College (MMC) mula sa kanilang 1.5-2.5 pagkatalo sa PCCr ng kanilang iposte ang 3-1 panalo kontra GAUF.