May babagsak sa Peñalosa vs Avila boxing

Sa kabila ng hindi gaanong masalita ang fighter na si Joel Avila, makikita sa kanyang mga porma at galaw ang dahilan kung bakit tila magiging maliit ang tsansa ng dating world champion na si Gerry Peñalosa sa nalalapit nilang laban.

"Hindi rin naman puwedeng magkumpiyansa. Pero magandang laban ito," pahayag ng trainer ni Gerry na si Carl Irving Peñalosa nang dumalo ito kahapon sa PSA Forum upang i-promote ang 12-round fight na tinaguriang "Mayhen at Makati" para sa World Boxing Council International superflyweight title sa Marso 2.

"At sigurado may babagsak," dagdag pa ni Irving.

Isa man sa dalawang boksingero ay hindi binigyan ng garantiya ng nakatatandang Peñalosa.

"Tingnan na lang natin. Basta bibigyan ko siya (Gerry) ng magandang laban," pahayag naman ng 26-anyos na si Avila, tubong Samar.

Ngunit sinabi ni Gerry na nasa magandang kundisyon ang kanyang pangangatawan at nakahanda siya sa nakatakdang laban sa Marso 2.

"Gagawin ko ang lahat ng aking makakaya, dahil ito na ang huling tsansa ko para muling mapasabak sa world title fight," sabi naman ni Peñalosa.