POA binuo ni Dayrit

Inihayag kahapon ni Philippine Olympic Committee president Celso Dayrit ang pagbuo ng Philippine Olympian Association (POA).

Ang mga charter officials ay sina Rafael Hechanova bilang chairman, Art Macapagal bilang president at Ral Rosario bilang secretary-general.

Si Hechanova ay miyembro ng basketball team na lumahok sa 1952 Helsinki Olympics habang sina Macapagal at Rosario lumahok sa shooting at swimming ayon sa pagkakasunod sa 1976 Munich at Montreal Olympics.

Ayon kay Dayrit, ang tatlo ay magpupulong upang pag-usapan ang cherter ng organisasyon.

Ang lahat ng Olympians ay tinatawagang makipag-ugnayan sa POC Secretariat sa Rm. 357, PICC sa tel. no. 834-2432/36 o itawag ang kanilang pangalan, address at iba pang detalye sa 834-2334.

Ang pagbuo ng POA ay alinsunod sa utos ng IOC matapos itatag ang World Olympian Association.