3 Fil-Ams makakalaro kahit DOJ confirmation

Kahit wala pang certificate of confirmation ng kanilang dugong Filipino mula sa Department of Justice, pinayagang maglaro ng Philippine Basketball Association ang tatlong Fil-Americans na sina Chris Clay, Jeffrey Flowers at Jimmy Alapag sa Candidates Pool para sa Asian Games.

Binali ng PBA ang kanilang alituntuning hindi maaaring makalaro ang isang player ng walang DOJ permit upang makasabay sa iba pang kandidato ang tatlong Fil-Ams sa preparasyon para sa Asiad na gaganapin sa September sa Busan, South Korea.

Hanggang ngayon ay prinoproseso pa rin nina Clay, Flowers at Alapag ang kanilang DOJ confirmation.

Bunga nito ay masisilayan ang tatlo sa magb-bukas na PBA Governors Cup sa Linggo sa Araneta Coliseum.