San Beda pinayukod ng Xavier

Pinayukod ng Xavier School ang San Beda, 70-66 upang mapasakamay ang titulo ng Metro Manila Basketball League (MMBL) noong Linggo sa Brent School gym sa Sta. Rosa, Laguna.

Kumana si Chris Tiu ng 33 puntos kabilang ang walo sa huling tatlong minuto ng laro upang pangunahan ang Stallions at iposte ang 34-24 kalamangan sa second period na hindi na nagawa pang tibagin ng Bedans.

Bago ang nasabing panalo, unang naging biktima ng Stallions ang St. Stephens, 52-45 upang ma-sweep ang kanilang asignatura sa first round sa Tiong Lian cagefest.

Naghabol ang Stallions sa 18-21 sa pagtatapos ng first period at kanilang kinuha ang trangko sa 38-36 sa halftime mula sa free throws ni Tyrone Tang na tumapos ng 16 puntos tungo sa kanilang panalo.

Nagpakita rin ng magan-dang depensa para sa Stallions si Joseph Chua dahilan ng pagkulapso ng Bedans.