PBL Challenge Cup: ICTSI-La Salle kontra sa Kutitap

Ikalawang sunod na tagumpay ang nais na puntiryahin ng ICTSI-La Salle sa kanilang pakikipaglaban ngayon sa Kutitap Toothpaste sa eliminations ng 2001 PBL Challenge Cup sa Makati Coliseum.

Nakatakda ang banggaan ng La Salle at Kutitap sa alas-2 ng hapon.

Umaasa naman ang Ateneo-Pioneer at Ana Feezers na makakabangon mula sa kanilang huling kabiguan sa nakatakda nilang engkuwentro sa alas-4 ng hapon.

Bilang pasasalamat ni PBL Commissioner Chino Trinidad sa mga fans at supporters ng liga, libre ang entrance ngayon para sa nakatakdang twinbill.