Ikatlong sunod na panalo, ikawalo sa kabuuang 12-laro ang tangka ng Turbo Chargers kontra sa TJ Hotdogs sa pambungad na laban sa ganap na alas-5:05 ng hapon, habang nakataya naman ang playoff ticket sa engkuwentro ng Rhummasters at Gin Kings sa ikalawang laro, dakong alas-7:10 ng hapon.
Dahil dikit-dikit ang labanan, anim na panalo ay sapat lamang para sa playoff kaya’t nanganga-ilangan pa ang defending champion San Miguel Beer, Pop Cola Panthers at Batang Red Bull na pare-parehong may 6-6 record na manalo pa ng isa para pormal na makapasok sa quarterfinals.
Ang Ginebra, Tanduay kasama ang walang larong Alaska ay pare-parehong may 5-7 karta-da at ang lahat ng ito ay nangangailangang ipanalo ang kanilang huling asignatura upang makahirit sa susunod na round.
Pinakadelikadong masisibak sa kontensiyon ay ang Purefoods na nangu-ngulelat ng kanilang 4-7 kartada kaya’t obligado itong ipanalo ang kanilang laban ngayon kontra sa Shell at sa Red Bull upang makasulong sa susunod na round.