Ildefonso, karapat-dapat na maging PBAC Player of

Napakasarap ng pakiramdam ngayon ni Danny Ildefonso.

Sa gabing pinarangalan ito bilang Best Player of the Conference ng PBA Commissioner’s Cup bilang ikaapat na tropeo para sa naturang karangalan, nakuha ni Ildefonso ang kanyang dinasal-dasal, ang mas magandang katayuan sa kasalukuyang best-of-seven championship series.

"Siyempre mas masarap yung award kung tinanggap ko na lamang kami sa series or kahit man lang tabla," pahayag ng 6-foot-5 slotman na si Ildefonso.

Tinanghal din si Ildefonso bilang Best Player of the Conference ngunit hindi lubos ang kanyang kaligayahan dahil nagha-habol ang kanyang koponang San Miguel sa serye sa Red Bull na lamang sa 2-1 papasok sa pivotal Game Four.

Pagkatapos ng 48-minutong all-around performance, nakuha nito ang kanyang gusto.

Umiskor ito ng triple double upang suportahan ang magandang laro ni Danny Seigle tungo sa kanilang 88-72 panalo na nagtabla ng serye sa 2-all at ngayon ay umigsi ang serye sa best-of-three.

Nagtala si Ildefonso ng 12-puntos, 11 rebounds at 10 assists upang sumegunda kay Seigle na may 26-puntos sa larong napakahalaga para sa kampanya ng San Miguel na idepensa ang titulo.

Sa isa sa pinakamahigpit na botohan para sa PBA Press Corps Player of the Conference, naungusan ni Ildefonso si Seigle upang maibulsa ang naturang award.

Nagtala ito ng average na 15.7 puntos, 6.7 rebounds at 7.3 assists sa tatlong laro mula Agosto 12 hanggang Agosto 19.

"He deserves to be the MVP of the conference," pahayag ni San Miguel coach Jong Uichico. "He does a lot of things for us on the court and even when he’s not scoring, he’s making things happen for us."

"He and Danny Seigle really have a good on-court relationship. When the ball is with Danny I, Danny S knows he’s going to get it if he’s open. If the balll is with Danny S, Danny I knows he’s also going to get it if he’s open. There’s absolutely no unselfishness between those two guys and among the rest of the team."