Milo Marathon gaganapin ngayon

Bunga ng pagkawala ng matitikas na runners, inaasahang pupukaw ng pansin ang ilang bagito para mapasama sa National finals sa gaganapin ngayong Metro Manila edisyon ng 25th Milo Marathon sa PICC grounds.

Eksaktong alas-4:30 ng umaga, pakakawalan ang mahigit sa 5,000 runners na dumating sa starting line para sa tampok na 42K full marathon.

Dahil sa ginagawang training nina defending men’s division national champion Allan Ballester at five-time Milo marathon champion Roy Vence para sa SEA Games, sila ay pawang seeded na para sa finals na gaganapin naman sa Dec.

Tanging si Christabel Martes lamang ang sumali para sa 10K na bahagi ng kanyang preparasyon para sa nalalapit na Avon Global Championship na gaganapin sa Budapest, Hungary sa Oct.

Inaasahan na magiging mahigpit na magkaribal sina Hazel Madamba at Mila Robiso-Paje para sa korona ng kababaihan.