Walong koponan na kinabibilangan ng defending champion College of St. Benilde ang siyang maglalaban-laban para sa korona ngayong season na iho-host ng Philippine Christian University.
Tampok sa opening ang makulay na "Palabas" sa ilalim ng choreography ni Bobby Ongkiko base sa tema ng "Revitalizing the Heritage of Sports," kung saan bibigyan pansin dito ang mga achievements ng NCAA at ang kanilang naging bahagi sa Philippine sports.
Ang mga nakatakdang laro sa NCAA ay ipalalabas sa PTV-4 sa pamamagitan ng Media Conglomerates Inc. (MCI) na pangangasiwaan ni COO at general manager Roland Garcia.
Ang multi-titled San Sebas-tian College ang isa sa magiging mahigpit na karibal ng Blazers sa pagpapanatili ng hawak na korona, bukod pa ang koponan ng Jose Rizal College at University of Perpertual Help-Rizal.
Magsasagawa rin ng kani-kanilang mahigpit na kampanya ang apat na iba pang koponan para sa korona.
Ito’y ang San Beda College, Mapua Institute of Technology, San Juan de Letran at Philippine Christian University na nagsagawa na rin ng kani-kanilang major pre-season build-ups.