Asian Universities cagefest simula na

Masusubukan ang husay ng mga Filipino collegiate champion teams kontra sa kanilang Chinese counterparts sa pagsisimula ngayon ng 2nd Asian University Basketball Championship sa Rizal Memorial Coliseum.

Bubuksan ng National Students champion St. Francis of Assisi ang aksiyon sa nakatakdang tatlong laro bandang alas-10 ng umaga kontra Chinese-Taipei University Sports Federation, habang haharapin naman ng UAAP runner-up Far Eastern U ang Beijing Shougang Industrial College sa alas-12.

At sa huling sultada, ganap na alas-2, mapapasabak ang NCAA champion St. Benilde sa defending AUBC titlist University of Manila.