Ateneo-Pioneer ibinaon ng Osaka sa PBL Chairman's Cup

Lalo pang ibinaon ng Osaka Iridology ang mahigpit na karibal na Ateneo-Pioneer Insurance sa ilalim ng standing matapos na ipadama ang 67-54 kabiguan kahapon sa no-bearing game ng quarterfinal round ng PBL Chair-man’s Cup sa Makati Coliseum.

Impresibong performance ang ibinigay ni Rommel Daep sa huling bahagi ng ikatlong canto nang tagpasin niya ang 37-pagtatabla ng iskor at simulan ang isang uma-atikabong atake.

Ito ang ikalawang sunod na panalo ng Osaka matapos ang 64-53 pamamayani kontra sa Montana Pawnshop noong Huwebes na siyang tumapos sa kanilang nine-game losing streak sa kabayanihan ni Daep.

Humakot si Daep ng 13 puntos, pito nito ay mula sa third quarter upang pamunuan ang Iridologists, bago muling nagpakawala ng dala-wang tres upang tuluyan ng ilayo ang Osaka.

Nabalewala ang kinanang 15 puntos ni Reiner Sison matapos na mawalan ng suporta sa kanyang mga kasamahan dahilan upang isara ng Ateneo-Pioneer ang kanilang kampanya sa kumperensiyang ito sa 2-10 win-loss slate.